Teknolohiya Noon At Ngayon Essay Writing

Topic: Ano ang kahalagahan ng makabagong teknolohiya sa pag-unlad ng bansa?
Author: Albert Cueva

Ang Kahalagahan ng Makabagong Teknolohiya sa Pag-unlad ng Bansa

Ang kakayahan ng makabagong teknolohiyang gawing mas produktibo, mabilis at palagiang tama ang ibinibigay na resulta ng anumang pinaggagamitan nito ay sapat nang katibayang malaki ang kontribusyon nito sa pag-unlad ng bansa.

Sinabi ng ating pambansang bayaning si Dr. Jose Rizal na ang kabataan ay pag-asa ng bayan, mas nagiging makatotohanan ito sa kasalukuyan dahil sa mas malawak at komprehensibong mga araling naibibigay ng computer at Internet sa mga mag-aaral ngayon kumpara sa mga nakalipas na henerasyon. Bunga nito ay mas napagyayaman ang kaalaman at kakayahan ng ating mga future professionals upang magawang makipagsabayan sa pandaigdigang kumpetisyon.

Kung noon ay ang tradisyunal na telepono at pagpapadala ng sulat sa koreyo lamang ang mga paraan ng ating pakikipagkomunikasyon, ngayon ay mayroon nang cell phone na maaari nating bitbitin saan man tayo magpunta at patuloy na makipagkomunikasyon kailan man natin kailanganin. Sa tulong din ng computer at Internet ay mabilis na naipapadala ang ating mga mensahe gamit ang teknolohiya ng email. Gayundin ang mga tinatawag na apps sa mga makabagong cell phones (smartphones) katulad ng viber, wechat at skype na ginawang abot-kaya para sa lahat ang pagpapalitan ng impormasyon ng mga karaniwang mamayan para sa kanilang personal na usapin at maging mga kumpanya para sa kanilang negosyo.

Marami sa mga industriya sa bansa ay gumagamit ng mga makabagong makina sa kanilang produksyon, ang resulta ay mas marami ang nagagawang produkto sa loob ng maigsing panahon at nakatitipid sa kabuuang gastos. Nangangahulugan ito ng mas malaking kita para sa mga namumuhunan at naibibigay ang pangangailangan ng mga kliyente sa itinakdang panahon. Maging sa sektor ng agrikultura ay mayroon nang makinang ginagamit sa pag-aani ng palay mula sa paggapas hanggang sa paggiik ng mga ito.

Malaki rin ang naitutulong ng makabagong teknolohiya sa kabuuang lagay ng kalusugan at kaligtasan ng bansa. Gamit ang infrared fever sensing system sa mga paliparan at daungan ay naiiwasan ang pagpasok sa bansa ng mga pasaherong kinakikitaan ng sintomas ng sakit na maaaring magdulot ng malawakang epidemya. Ang mga metal detectors at CCTV na karaniwang ginagamit para sa seguridad ng mga establisyimento at ilang mga pampublikong lugar ay nakatutulong mabawasan ang krimen gayundin sa paglutas nito. Ang Project Noah ng Department of Science and Technology (DOST) ay may kakayahang makapagbigay ng ulat sa lagay ng panahon at sa pamamagitan nito ay nabibigyan ng abiso ang publiko upang makapaghanda at makaiwas sa pinsalang maaaring idulot ng paparating na kalamidad. Mahalagang mapanatiling libre ang bansa sa anumang epidemya at ligtas sa banta ng krimen at kalamidad upang patuloy na makahikayat ng mga turista at dayuhang mamumuhunan, gayundin upang hindi makabawas sa national budget ang mga magiging gastusin sa pagsugpo nito at rehabilitasyon ng mga maaapektuhang lugar.

Ang teknolohiya ay mabilis na nagbabago at patuloy na nadaragdagan kaya tayo ay kinakailangang makasabay para laging mayroong oportunidad na angkop sa ating kakayahan at hindi kailanman mapag-iwanan. Paghusayan natin ang pag-aaral, gamitin sa tama at pakinabangan ang makabagong teknolohiya at sumabay sa pag-unlad ng ating bansa.

This literary work is protected by the Intellectual Property Rights of the Philippines. Learn More →


Sanaysay (Feature Writing) Tungkol sa Agham at Teknolohiya

Narito ang isang sanaysay (feature writing) tungkol sa agham at teknolohiya kung ito bay nakatutulong o nakasasama. Sinulat ito ni Jan Cybell M. Namocatcat at nailathala sa pahina 10 ng Misonahisian (Hunyo-Disyember 2012 issue).

--- SIMULA ---

Agham at Teknolohiya, nakakatulong ba?

Ano nga ba ang agham at teknolohiya? Ang agham ay isang sistematikong sangay ng karunungan base sa katotohanan na nakalap sa pamamagitan ng obserbasyon at eksperimentasyon. Ang kaalaman o karunungang ito ay ginamit ng ibang tao upang lumikha ng kapakipakinabang na bagay. Dito pumapasok ang teknolohiya. Ang salitang teknolohiya ay nanggaling sa salitang griyegong "technologia" na ang ibig sabihin ay "sistematikong pagturing sa sining."

Mula sa luma hanggang sa makabagong paraan ng teknolohiya't agham ang ginagamit bilang gabay ng mga tao ngayon sa hinaharap. Makakatulong kaya ang pag-unlad na ito sa mga mamamayan?

Maiisip mo ba kung paano tayo mamumuhay kung walang kuryente? Paano tayo makapunta sa ating paroroonana ng mgadali kung walang mga bus p dyip na masasakyan? Paano tayo makikipagkomunikasyon kung walang Facebook, Yahoo, at Twitter na dulot ng computer? Ang elektrisidad, transportasyon, at mga computer ay ilan lamang sa mga produkto ng agham at teknolohiya. Batid nating marami ang naitulong nito sa ating buhay. Dahil dito, mas napapadali ang ating mga gawain kumpara sa buhay ng nakaraan. Ang teknolohikal na pagbabago ay nakakatulong rin sa pagtatanim at pag-aani, kagaya rin ng irigasyon, napapadali o napapabilis ang pagdidilig ng mga pananim. Ang pesticides ay ginagamit ng mga magsasaka upang masugpo ang mga peste na pumapatay ng halaman. Ang teknolohiya ay nakakatulong rin sa paggawa ng mga medisina, pagrereserba ng pagkain at pagdevelop ng panibagong pinagmulan enerhiya. Ang lahat ng ito ay dulot ng makabagong teknolohiya't agham. Subalit nagdadala rin ito ng panganib sa mga tao at sa kapaligiran.

Ang pag-usbong ng agham at teknolohiya ay isa sa mga sanhi o dahilan ng pagbabago ng klima o "climate "change". Ang pagbabagong ito ay nagpapagaan ng ng buhay pero naging komplikado naman ang ating pamumuhay. Masasabi nating hind lahat ng mga produkto ng agham at teknolohiya ay nakakatulon sa mga tao kundi may masamang naidudulot sa atin.

Bilang isang mamamayang Pilipino, gagamitin natin sa wasting paraan ang ating nalalaman ukol sa agham at teknolohiya. Gagawin itong gabay tungo sa kaunlaran at kapayapaan ng ating bayan.


--- WAKAS ---

Share This Post

If you like this article, we would really appreciate if you share this on Facebook, Twitter, or on any social media channels. Every share makes a huge difference and helps us write more articles like these. Thank You!

 

"Sanaysay (Feature Writing) Tungkol sa Agham at Teknolohiya" was written by admin under the Technology category. It has been read 72893 times and generated 14 comments. The article was created on 25 September 2013 .

Warning! When posting comments, strictly observe correct spelling. Avoid incomplete words such as TY (as Thank You), Pls as Please, gud as good, dpt as dapat, etc. You can comment in English or Tagalog. If you will not follow this simple instruction, your comment(s) will not be accepted or published.

Total comments : 14
kate   (15 November 2016 8:49 AM)

feature po ba talaga?


Jashwin   (30 September 2016 8:22 PM)

parang editorial


quenne   (25 September 2016 8:49 PM)

is this feature writing?


admin   (29 September 2016 8:56 PM)

Yes.


John Arvin Rivas   (08 September 2016 5:53 PM)

Salamat at natuto ako


John Arvin Rivas   (08 September 2016 5:53 PM)

Salamat at marami akong natutuhan dito.


ian   (22 July 2016 1:35 PM)

ang ganda. feature writing ba to?


admin   (23 July 2016 9:50 PM)

ian, pwede mo rin itong gamitin bilang feature writing.


Lilly Collins   (02 November 2015 9:29 PM)

Diba,editorial 'yan?


yen2005   (18 October 2015 1:03 PM)

may kaalaman nasinasabi ito kaya maganda


Rochelle nica   (25 September 2015 7:17 AM)

Im an contestant for writing science feature, and doing my practice exercises is really hard for me but then I saw this article. Now I can do it. Thanks for this, it really helps me a lot


riza jane vitug   (16 September 2015 7:00 AM)

very nice !!!!!!!!!!! :)


mikhaela jangguem d. roquero   (31 July 2015 5:32 PM)

I will good friend from my classmates and others.I will protected my friend to bully


Beautiful7   (29 April 2015 7:52 PM)

Ang ganda po


0 Replies to “Teknolohiya Noon At Ngayon Essay Writing”

Lascia un Commento

L'indirizzo email non verrĂ  pubblicato. I campi obbligatori sono contrassegnati *